ویب ډیسک
په کابل کې د امریکا سفارت وایي،د افغان سولې لپاره د امریکا ځانګړی استازی به د خپل سفر په ترڅ کې په افغانستان کې د دایمي اوربند د ټینګښت لپاره هڅې وکړي.
د امریکا سفارت په یوه اعلامیه کې ویلي،زلمی خلیلزاد به د خپل سفر په ترڅ کې افغانستان، دوحې او د سیمې نوروهیوادونو ته هم سفر وکړی.
د سفارت په اعلامیه کې ویل شوی،چې خلیلزاد به د افغان سیاسی مشرانو او طالب استازو سره په خبرو کې په افغانستان کې د یوه سیاسی توافق په اړه،چې د یوه دایمي اوربند سبب شي بحث او خبرې وکړی.
بل لور ته د زلمي خلیل زاد کابل ته د رسیدو وروسته په سیپدار ماڼی کې د ملي مصالحې عالي شورا رییس ډاکټر عبدالله عبدالله له زلمي خلیلزاد سره ولیدل
پدې لیدنه کې دواړه خواوو د سولې په خبرو اترو، د امریکا متحده ایالاتو د نوي حکومت له لوري د سولې خبرو اترو او هوکړې په بیاکتنې، د سولې خبرو اترو په چټکېدو، په دوحه کې د سولې خبرو اترو پر دویم پړاو، د تاوتریخوالي پر کمېدو، د سولې خبرو اترو کې د پرمختګ پر لارو چارو او د یوې تلپاتې سولې په ټنګښت بحث او د نظرونو تبادله وکړه.
