ویب ډیسک
افغان حکومت له اسټرالیا غوښتنه کړې،چې په افغانستان کې د خپل سفارت د تړل کېدو پر پریکړه بیا کتنه وکړي.
بهرنیو چارو وزارت وایي،افغان حکومت هیواد کې د بهرنیو سیاسي نماینده ګیو د امنیت ټینګښت خپل مسوولیت بولي او تمه ده چې اسټرالیا کابل کې د خپل سفارت د تړلو پر پریکړه بیا کتنه وکړی او په افغانستان کې خپل دایمي سیاسي حضور ته دوام ورکړي.
اسټرالیا تازه اعلان کړی، چې د سرتیرو تر اېستلو وروسته یې د ډیپلوماتانو پر وړاندې امنیتي ګواښونه رامنځ ته کېدای شي،نو له همدې امله د شرایطو تر ښه کېدو پورې کابل کې خپل سفارت تړي.
