د ایران د بهرنیو چارو وزارت ویاند وايي، د امریکا لخوا د ایران د بندرونو یا ساحلونو “بندول” نه یوازې د پاکستان په منځګړیتوب د اوربند سرغړونه ده، بلکې غیرقانوني او جرمي هم ده.
نوموړي په ایکس پاڼه ليکلي، «دا د ملګرو ملتونو د منشور د ۲(۴) مادې سرغړونه ده؛ دا د ملګرو ملتونو د عمومي اسمبلۍ د ۳۳۱۴ (۱۹۷۴) د پریکړه لیک د ۳(ج) مادې لاندې د یرغل عمل جوړوي، چې په څرګنده توګه د داسې اعمالو په منځ کې د یو دولت د بندرونو یا ساحلونو بندول شامل دي.»
