ویب ډیسک
د خبري اژانس د راپور له مخې، د سریلنکا ولسمشر انورا کمارا ډسانایکه پارلمان ته ویلي چې امریکا د مارچ په پیل کې غوښتنه کړې وه چې دوه جنګي الوتکې د مټالا نړیوال هوايي ډګر کې ځای پر ځای کړي.
د سری لنکا ولسمشر وویل چې په دغو امریکايي الوتکو کې د کښتیو ضد توغندي لګېدلي وو، او پلان دا و چې دا الوتکې له جیبوتي څخه سری لنکا ته انتقال شي.
ولسمشر انورا کمارا ډسانایکه پارلمان ته دا هم وویل چې دوی د امریکا دا غوښتنه په ښکاره ډول رد کړې ده.
د یادونې وړ ده چې له دې وړاندې د امریکا څو متحد هېوادونو هم د ایران پر ضد په جګړه کې له ګډون څخه انکار کړی و، چې له امله یې د امریکا ولسمشر ډونلډ ټرمپ شکایت کړی و او ویلي یې وو چې موږ د هېچا مرستې ته اړتیا نه لرو.
