ويب ډيسک
د طالبانو بهرنیو چارو وزیر په کابل کې د بهرنیو ډیپلوماتانو په شتون کې د روژه ماتې په چمتو شوي مراسمو کې ویلي، د افغانستان حاکمه ډله له شپږو ګاونډیو هېوادونو سره، له پاکستان پرته بل هیڅ هېواد سره ستونزه نلري.
امیرخان متقي هیله څرګنده کړه چې د افغانستان او پاکستان ترمنځ تاوتریخوالی د خبرو اترو له لارې حل شي.
متقي تر دې وړاندې ویلي وو چې پاکستان پر افغانستان فشار راوړي ترڅو هغه غوښتنې عملي کړي چې په کابل پورې اړه نه لري.
د هغه په وینا، لومړۍ مسئله د پاکستان د طالبانو تحریک موضوع ده چې د یاد هېواد یوه کورنۍ ستونزه ده او د طالبانو له واک ته رسېدو مخکې یې هم شتون درلود.
هغه ویلي وو، دوهمه د ډیورند کرښې موضوع ده، چې د دواړو هېوادونو د رسمي سرحد په توګه منل دي، چې دا چاره د دوی له صلاحیت پورته کړنه ده.
