د روسیې د «فارماسینتیز» په نوم درمل جوړوونکي شرکت اعلان کړی چې د روان ۲۰۲۶ کال په اوړي کې به افغانستان ته د خپلو درملو صادرات پیل کړي.
د دغه شرکت مسوولینو ویلي، د افغانستان د عامې روغتیا وزارت سره له هوکړې وروسته د درملو د لومړۍ جوپې د لېږد چمتووالی روان دی او ټاکل شوې ده چې په راتلونکو دوو میاشتو کې افغان بازارونو ته ورسېږي.
د شرکت د سوداګرۍ مرستیال نیکیتا پونیا ویلي، په افغانستان کې د روسي درملو لپاره لوړه اړتیا موجوده ده او د افغانستان بازار ته ننوتل به د دوی سیمهییز حضور نور هم پیاوړی کړي.
نوموړي زیاته کړې چې شرکت هڅه کوي په افغانستان کې د درملو د کیفیت، لاسرسي او روغتیايي همکاریو په برخه کې خپل رول پراخ کړي.
