ويب ډیسک
آلمانۍ مجلې شپیګل رپوټ ورکړی چې د آلمان فدرالي حکومت د کورنيو چارو وزارت ظاهراً غواړي د افغان مهاجرو د منلو د طرحې د ېوې برخې په توګه په کال کې حد اکثر پنځه زره افغان مهاجر آلمان ته راولي. لا تر اوسه د دغې طرحې په اړه بحثونه جریان لري.
د آلمان د کورنيو چارو وزارت دغه معلومات، د دغه هیواد د پارلمان د يوې پوښتنې په ځواب کې ورکړي دي. د پوښتنې اړوند ليک کې ويل شوي دي چې دغه شمیر «د عملیاتي لحاظه ترسره کیدونکی» ښکاری.
د آلمان فدرالي حکومت په خپلې ائتلافي تړون کې له دغې موضوع سره موافقت کړی دی. هدف دا دی، هغه افراد چې په افغانستان کې د طالبانو تر واکمنیدو وروسته له خطر سره مخ دي، لکه خبریالان يا ښوونکي، په آلمان کې منل کيږي.
دا لومړی ځل دی چې په دې هکله يو مشخص شمیر خپریږي. د آلمان په پارلمان کې د زرغون ګوند استازې، جولیان پالکه وويل: «فقط د مدني ټولنې سازمانونو لکه «د کابل هوايي پل» له درې زور څخه د ډير کسانو ملاتړ کړی دی او په لسونو زره کسان ېې د خطر په معرض کې ښودلي دي.» هغې د دې تقاضاه وکړه «هغه افراد چې د خطر په معرض کې قرار لري د کورنۍ غړي ېې هم بايد ومنل شي.»
پالکه زیاته کړه چې د دغې پروسې په اړه د کورنيو چارو وزارت سره خبرې اترې دوام لري. ظاهراً اوس مهال پر دې باندې بحث روان دی چې کوم کسان د یوه کس چې د خطر په معرض کې قرار لري د کورنۍ د غړو په توګه وګڼل شي.
