ويب ډیسک
د بدخشان په مرکز فیض اباد کې سرچینې د دغه ولایت په مرکز کې د وسله والې شخړې خبر ورکوي.
د سرچینو په وینا، له یوه ساعت راهیسې د فیض اباد ښار په لومړۍ ناحیه او شاوخوا سیمه کې د طالب ځواکونو ترمنځ نښته روانه ده.
ویل کیږي چې دغه نښته په جرام او یفتل ولسوالیو کې د طالبانو ترمنځ شوې ده.
سرچينې وايي، په بدخشان کې د طالب ځواکونو قوماندان قاري عبدالرحمن او د هغه يو تن ساتونکی ټپيان شوي دي.
ځايي طالب چارواکو تر دې دمه د موضوع په اړه تبصره نه ده کړې.
دا په داسې حال کې ده چې مخکې له دې د طالبانو تر منځ د نښتو راپورونه خپاره شوي وو.
باید وویل شي چې د دغې شخړې د تلفاتو کره شمېره لا تر اوسه نه ده ترلاسه شوې.
