ويب ډيسک
د طالبانو بهرنیو چارو وزیر امیرخان متقي، کابل کې د جاپان سفیر سره کتنه کې ویلي، چې سیمې او نړۍ سره د طالبانو تعماملات ښه لوري ته روان دي.
تاکویوشي کورمایا سره کتنه کې متقي ټینګار کړی، چې د طالبانو حکومت متوازن او نورو ته د ضرر نه رسولو سیاست پر بنسټ ټولو لوریو سره «ابرومندانه» اړیکې غواړي.
د طالبانو د خبرپاڼې له مخې، کتنه کې د جاپان سفیر د طالبانو له لوري ټینګ شوی امنیت او نشه يي توګو سره مبارزه ستایلې او پر دوه اړخیزو اړیکو پراختیا یې ټینګار کړی دی.
د طالبانو بهرنیو چارو وزیر داسې مهال سیمې او نړۍ سره د اړیکو او تعاملاتو پراختیا ادعا کوي، چې حکومت یې تراوسه د کوم هېواد له لوري په رسمیت نه دی پېژندل شوی.
کارپوهان وايي، طالبان چې د ټولګډونه حکومت جوړولو او د واک له انحصاره د راوتلو له لارې کورنی او بهرنی مشروعیت ترلاسه نه کړي، نړۍ ورسره رسمي سیاسي اړیکې نه جوړوي.
# #Afghanistan #Kabul #Japan #Politics
