ويب ډیسک
د کانګو په ديموکراتيک جمهوريت کې چارواکي وايي د بني ښار په يوه ځانمرګي بريد کې لږ ترلږه شپږ کسان وژل شوي وي او ۱۳ نور ټپیان دي.
چارواکي وايي پوليس وتوانېدل چې د رستورانت ودانۍ ته د بريدګر د ننوتو مخه ونيسي خو وايي هغه په دروازه کې چاودنه وکړه.
چارواکي د دغه بريد پړه د متحدې ديموکراتيکې ډلې (ای ډي اېف) په غړو وراچوي.
دا يوه اسلامپاله ده چې ځان د داعش يوه څانګه بولي. خو تراوسه د دغه بريد مسوليت چا پر غاړه نه دی اخيستی.
د کرسمس په ورځ په ټوله نړۍ کې ډېری عيسويان د حضرت عيسی عليه السلام د زوکړې ورځې لمانځي او دلته په دې رستورانت کې هم ۳۰ تنه په دې تړاو راټول شوي وو.
د رسنيو د راپورونو له مخې د بريد پر مهال ماشومان او ځايي چارواکي هم په رستورانت کې وو.
