ويب ډیسک
ان بي سي نیوز رسنۍ خبر ورکړی چې طالبانو په تېرو دوو اوونیو کې د تخلیې الوتنو مخه نیولې او غواړي خپل جنګیالي نورو هېوادونو ته ولېږي. رسنۍ د امریکا په کانګرس کې د یوې سرچینې په حواله ویلي چې طالبان غواړي خپل جنګیالي او ملاتړي بهر ته د کار لپاره واستوي او پیسې ولېږدوي.
د امریکا د بهرنیو چارو یوې رسمي سرچینې تایید کړې چې له تېرو دوو اوونیو راهیسې له کابله الوتنې ځنډول شوې دي. هغه هیله څرګنده کړه چې دغه الوتنې ژر پیل شي.
د امریکا په کانګرس کې یوې سرچینې هم ویلي چې طالبانو په وار وار غوښتي چې د کابل او دوحې ترمنځ د قطر پر هوايي لارو پروازونو د دې ډلې جنګیالیو او ملاتړو ته څو ځایونه په پام کې ونیول شي.
