ویب ډیسک
د برتانوي جریدې فنانشل ټایمز په وینا، په خلیج کې روانې جګړې له امله لوېدیځ او سیمهییز ځواکونه له دې سیمې څخه خپله پاملرنه اړولې ده، چې له دې سره شخړه لا خطرناکه کېدای شي. طالبان یوه بېثباته خوځښت دی، او پاکستان په غوسه دی، خو نړۍ ته نور دا ممکنه نه ده چې سترګې پټې کړي.
د راپور له مخې، په افغانستان کې بشپړه جګړه کولی شي په جنوبي او منځنۍ اسیا کې ثبات له خطر سره مخ کړي، او دا هم یو واقعي ګواښ دی چې هېواد یو ځل بیا د ترهګرۍ مرکز وګرځي.
د فنانشل ټایمز په راپور کې دا هم ویل شوي چې نړۍ د دې سیمې سره له بیا ښکېلتیا پرته بله لاره نه لري، که څه هم دا کار به ستونزمن وي او د طالبانو د حکومت له طرز سره به د منلو وړ نه وي.
