د افغانستان لپاره د پاکستان پخوانی ځانګړی استازی آصف دراني د ایران او امریکا ترمنځ په سویس کې د خبرو د بیا پیل هرکلی کړی او ویلي یې دي چې دغه بهیر په لوېدیځه اسیا کې د تلپاتې سولې لپاره نوې هیلې راژوندۍ کړې دي.
نوموړي په اېکس پاڼه کې لیکلي چې د امریکا د مرستیال ولسمشر جي ډي وینس او د ایران د پارلمان د رئیس محمد باقر قالیباف ګډون ښيي چې دواړه لوري د اسلامآباد هوکړهلیک پر بنسټ د سیاسي جوړجاړي د موندلو هڅه کوي.
دراني زیاته کړې چې د خبرو د بریا لپاره اړینه ده چې د سولې بهیر خپل روان بهیر وساتي او د هر ډول خنډونو مخه ونیول شي. د هغه په وینا، د سیمې ټول ښکېل اړخونه باید له زغمه کار واخلي او د شخړو پر ځای ډیپلوماسۍ ته لومړیتوب ورکړي.
هغه همداراز د پاکستان او قطر ګډون مهم بللی او ویلي یې دي چې د دغو هېوادونو شتون د خبرو اترو جديت څرګندوي او د سیمهییزو لوبغاړو رول پیاوړی کوي. د ده په وینا، اوسنی بهیر یوازې د دوو هېوادونو ترمنځ محدود نه دی، بلکې د سیمې د امنیتي ثبات لپاره پراخ ډیپلوماټیک هڅې هم ورسره تړلې دي.
