د بلوچستان د ژوب ولسوالۍ په کاکړ خراسان سيمه کې يو ټراکټر ټرالي ژورې کندې ته لوېدلې چې له امله يې لږ تر لږه پنځه کسان مړه او ګڼ نور ټپيان شوي دي.
د ژوب د پوليسو مشر صلاح الدين ويلي، پېښه هغه مهال رامنځته شوه چې د حاجي بچه اکاخېل د کوچيانو ټراکټر ټرالي په غرني سړک کې له کنټروله ووته او ژورې درې ته ولوېده.
د نوموړي په وينا، په دې پېښه کې درې ښځې او دوه ماشومان وژل شوي، بينما څو نور کسان ټپيان شوي دي.
د پېښې له خبر ترلاسه کېدو وروسته د ليويز ځواکونو سيمې ته رسېدلي او مړي او ټپيان يې د ژوب ضلعي روغتون ته لېږدولي دي.
چارواکي وايي، له قانوني چارو تر بشپړېدو وروسته مړي خپلو وارثانو ته سپارل شوي دي.
