ويب ډیسک
د اسلام اباد – لاهور پر سړک د یوه مسافر وړونکي بس د چپه کېدو له امله لږ تر لږه ۱۴ کسانو خپل ژوند له لاسه ورکړی او ۶۴ نور ټپیان دي.
پاکستاني چارواکي وايي، د بس چلوونکي هم خپل ژوند له لاسه ورکړی او ټپيان روغتون ته وړل شوي دي.
دغه خونړۍ پېښه تېره شپه هغه مهال رامنځته شوه چې يوه مسافر وړونکي بس د تخنيکي ستونزې له امله د سړک په غاړه له دوو موټرونو سره ټکر وکړ او چپه شو.
د دغه بس مسافر چې په کې ښځې او ماشومان هم ؤ له اسلام اباده لاهور ته له یوه واده راګرځېدل.
