ويب ډیسک
د ایران او پاکستان د بهرنیو چارو وزیرانو په ټلیفوني اړیکه کې اسلام آباد او تهران ته د دواړو هېوادونو سفیرانو د ستنېدو په اړه خبرې اترې وکړې.
د پاکستان د بهرنیو چارو وزیر جلیل عباس جیلاني خپل ایراني سیال ته ویلي چې هېواد یې په ټولو مسایلو کې د خبرواترو او همکارۍ غوښتونکی دی.
جیلاني وايي: «ځمکنۍ بشپړتیا او واکمنۍ ته درناوی باید ددغو همکاریو بنسټ وي.ِ»
د ایران د بهرنیو چارو وزارت هم ددې غوښتنې په ځواب کې په یوه اعلامیه کې ویلي: «د پاکستان واکمني او ځمکنۍ بشپړتیا په کلکه زموږ د پام وړ ده او د پاکستان په خاوره کې د ترهګرو مرکزونو له منځه وړلو لپاره د دواړو هېوادونو همکاري اړینه ده.»
