ويب ډیسک
افغانستان کرېکټ بورډ د سپورکولا سوداګریز شرکت سره د ملي لوبډلې د کورنیو او بهرنیو مهمو سیالیو د ملاتړ په موخه اوږدمهاله تړون لاسلیک کړ.
یاد تړون نن د افغانستان کرېکټ بورډ اجرایوي مشر نصیب خان او د سوپرکولا د کمپنیو ګروپ عمومي مشر محمد لطیف قناویزیان ترمنځ د هرات ولایت په سوداګرۍ او صنعت خونې دفتر کې لاسلیک شوی دی.
د دغه تړون پر بنسټ به د سوپر کولا شرکت د افغان لوبډلې او سریلانکا تر منځ سیالۍ، د متحده عربي اماراتو پروړاندې لوبې او د ۲۰۲۳ کال اسیا جام لوبو سربېره د کورني کرېکټ مهمې سیالۍ شپږیزې او لېسټ اې مالي ملاتړ کوي.
سوپرکولا تر دې وړاندې په ۲۰۲۲ نړیوال شل اوریز جام کې هم د افغان کرېکټ ملي لوبډلې مالي ملاتړ کړی ؤ.
