ويب ډیسک
د چين د بهرنيو چارو وزارت ویاند جاو لي
جيان د جنورۍ په ۱۸مه نېټه په يوه نوبتي مطبوعاتي غونډه کې د افغانستان له سرپرست
حکومت وغوښتل، چې د نړيوالې ټولنې غوښتنې پر ځای او غوره اقدامات وکړي او په
نړيوالې ټولنې کې دې ژر ګډون وکړي.
يوه خبريال د يادې مطبوعاتي غونډې په ترڅ
کې له جاو لي جيان څخه وپوښتل، چې طالبان د چين ملاتړ غواړي، څو حکومت يې د نړيوالې
ټولنې لخوا په رسميت وپېژندل شي، چين په دې اړه څه نظر لري.جاو لي جيان د
خبريال يادې پوښتنې ته په ځواب کې وويل، چې د افغانستان لنډ مهاله حکومت له جوړېدو
راهيسې په بهرنيو چارو لګيا دی او ځينو هېوادونو هم ورسره تماسونه نيولي دي.چين
له نړيوالې ټولنې غواړي، چې د افغانستان ملي حاکميت، يووالي او د خاورو تماميت ته
بايد په درناوي له افغانانو ملاتړ وکړي، څو دوی د خپل هېواد له واقعي حالاتو سره سم
د دايمي ثبات د ساتنې او د پرمختګ د هڅونې لاره پيدا کړي.جاو لي جيان زياته
کړه، چې چين د افغانستان له لنډمهاله حکومت غواړي، چې د نړيوالې ټولنې غوښتنې پر
ځای او يو پرانيستی او ټولشموله سياسي سيستم جوړ کړي، معتدلې کورنۍ او بهرنۍ چارې
دې غوره کړي، د ترهګريزو ډلو پر وړاندې دې ټينګه مبارزه وکړي، له بهرنيو هېوادونو،
په تيره بيا ګاونډيو هېوادونو سره دې ښې اړيکې وساتي او په نړيوالې ټولنې کې دې ژر
ګډون وکړي.