ويب ډيسک
د بشري مرستو په اړه د ملګرو ملتونو دفتر (OCHA) اوچا وايي، کویت د لومړي ځل لپاره د ۲۰۲۴ لپاره د افغان بشردوستانه فنډ سره ۵۰۰ ډالر مرسته کړې.
اوچا په اېکس یا په ټویټر پاڼه کې په یوه پیغام کې لیکلي چې مرستې د بیړني او حیاتي ځوابونو ملاتړ کوي ترڅو په افغانستان کې د ډیرو زیان منونکو خلکو سره مرسته وکړي.
د بشري مرستو د همغږۍ په اړه د ملګرو ملتونو دفتر وايي، په افغانستان کې له ۲۳ میلیونو څخه زیات خلک مرستې ته اړتیا لري.
اوچا سږ کال د افغانستان له خلکو سره د مرستې لپاره د 3.06 ملیارد ډالرو غوښتنه وکړه، مګر د اوچا په وینا، د بودیجې یوه کوچنۍ برخه چمتو شوې.
دغه دفتر وايي چې په ژمي کې د افغانستان د زیان منونکو سیمو د حل لپاره ۶۰۳.۵ میلیونه ډالرو ته اړتیا ده.
