ویب ډیسک
د طالبانو د برښنا شرکت مسوولان وایې، چې دوو ازبکستاني شرکتونو سره یې د ۲۴۳ میلیون ډالرو په ارزښت د برښنا لېږد د څلورو پروژو تړونونه لاسلیک کړل.
د یاد شرکت مشر عبدالباري عمر کابل کې د دغه هوکړې د لاسلیک پرمهال ویلي، چې له ازبکستان څخه د شاوخوا ۱۰۰۰ مېګاواټو برښنا رالېږد پروژې چارې به ۱۸ میاشتو کې بشپړې شي.
د هغه په خبره دغو پروژو کې د ۵۰۰ کېلوولټ برښنا لېږد پروژې ترڅنګ، د دښتالوان سب سټېشن پراختیا او د ارغندۍ سبسټېشن ارتقا چارې، دغه راز له ارغندۍ سب سټېشن څخه د ننګرهار تر شیخ مصري سبسټېشن پورې د ۲۲۰ کېلوولټ برښنا لېږد شامل دی.
له دې څه موده وړاندې طالبانو له عزیزي شرکت سره د ۱۰ میلیارد ډالرو په ارزښت د ۱۰ زره میګاواټه برښنا د تولید هوکړه هم لاسلیک کړې وه.
دا په داسې حال کې ده چې د کابل او د بېلابېلو ولایتونو اوسېدونکي وايي، د برښنا پرچاوي زیاتېدو له امله اړ شوي چې له لمریزې برېښنا ګټه واخلي.
#N #AFGHANISTAN# Uzbekistan
