ویب ډیسک
د ترانسپورت او هوايي چلند وزارت وايي، د ننګرهار هوايي ډګر ، چې په تېروشلو کلونو کې د خارجي ځواکونو لخوا یواځې د نظامي موخو په پار کارول کېده او د ملکي الوتنو پر مخ تړلی ؤ، مګر اوس مهال دغه هوايي ډګر د دغه وزارت لخوا د الوتنو پر مخ پرانیستل شوی او عملاً ترې الوتنې ترسره کيږي.
ياد وزارت زياتوي، د دغه هوایی ډګر مسلکي کاري ټیم د مخابروي سيستم ، د هوایی ډګر برجونه او د هوایی برجونو کنټرول ټول تجهیزات ترمیم ، تنظیم او بیا فعال کړل. ځغاستليکه ، عملیاتي ساحې او شاوخوا ساحې یې پاکې، خوندي او الوتنو په پار چمتو او فعالې شوې.
همدارنګه، د دې هوایی ډګر تاریخي ترمینل بیا په بشپړه توګه پاک، منظم او د مسافرینو پروسس کولو لپاره تیار شوی.
