ویب ډیسک
راجا پروېز اشرف د پاکستان فدرالي پارلمان د نومي مشر په توګه ټاکل شوی دی. نوموړي د پاکستان پیپلز ګوند یو مشر دی او مخکې یې د پاکستان لومړي وزیر په توګه هم دنده تر سره کړې. بل لور د پاکستان پنجاب ایالت په صوبايي اسمبلۍ کې د نوي اعلی وزیر ټاکنې لپاره نن شنبه غونډه کېږي.
په ورته مهال پنجاب اسمبلۍ کې د غونډې پر مهال د عمران خان تحریک انصاف پاکستان اسمبلۍ غړو د ایالتي پارلمان مرستیال مشر وهلی ټکولی دی.
د بي بي سي خبریاله ترهب اصغر په خپل رپوټ کې وايي، تحریک انصاف غړو د پارلمان پر مشر د بدنیو ګوزارونه وکړل، او د هغه میز، چوکۍ یې مات کړل. لومړي وزیر شهباز شریف په اسلام اباد کې د پارلمان غونډې ته وینا پر مهال د پنجاب پارلمان پر مرستیال مشر فزیکي برید سخت غندلی.
