ويب ډيسک
د خېبرپښتونخوا د جنوبي ضلعو بنو او ټانک څخه درې تښتول شوي پوليس اهلکار وژل شوي دي، دا په تېرو درېو ورځو کې په جنوبي ضلعو کې په پوليسو د بریدونو پينځمه پېښه ده، لږ تر لږه اته پوليس اهلکار پکې وژل شوي او شپږ نور ژوبل شوي دي.
بل لور ته د کرک پوليسو عملياتو کې د پينځو وسله والو وژلو دعوه کړې ده.
د بنو پوليس وايي، پرون په نهمه فرورۍ دوه پوليس اهلکار ریاض او حبيب الله نامعلومه کسانو د بنو بکاخېل منډۍ سيمې څخه تښتولي، او بيا یې په ګُربز سيمه کې په ډزو وژلي دي.
