ويب ډیسک
د نيوزيلنډ د بهرنیو چارو وزیره نانایا مهوتا وایي، هېواد یې له افغانستان سره نږدې ۶.۸ میلیونه امریکايي ډالر بشري مرسته کوي.
د معلوماتو له مخې دا پيسې به افغانستان لپاره د ملګرو ملتونو د بشري پروګرامونو له لارې هغو کسانو ته ځانګړې کېږي چې له وخیم بشري وضعیت سره مخ دي.
راپورونه ښيي چې مرسته شوې پيسې به د خوړو، روغتیا، کرنې، ماشومانو روغتیا او رواني ملاتړ په برخو کې مصرف شي.
نيوزيلنډ د افغانانو د ملاتړ ترڅنګ په افغانستان کې د بشري حقونو او خصوصاً د ښځو د وضعیت په اړه اندېښنه ښودلې او د ت.البانو له لوري د افغانو ښځو پر تعلیم، ټولنیز او سیاسي مشارکت او کار بندیز یې په افغانستان کې د بشري وضعیت د لا خرابېدو لامل بللی دی.
نيوزيلنډد ۲۰۲۱ کال له اګست راهیسې افغانستان سره نږدې ۲۴ میلیونه نیوزلنډي ډالر مرسته کړې ده.
#NewZealand
