پښتو جرنل
د ا.ا.ا رئیس الوزراء ملا محمد حسن اخوند د مالیزیا له لومړي وزیر ښاغلي داتو محمد انور ابراهیم سره د ټیلیفون له لارې د سیمه ییز وضعیت، په ځانګړي ډول د پاکستان لخوا پر افغانستان د نظامي تیري په اړه تفصیلي خبرې وکړې.
د ا.ا.ا رئیس الوزراء د سیمې د وضعیت په اړه اندیښنه څرګنده کړه او د هیوادونو د حریم نقض او ملکي وګړو وژل یې د غندنې وړ وبلل.
نوموړي وويل: چې د زور کارول او د ملکي وګړو په نښه کول ستونزي نه شي حل کولای
د ا.ا.ا اصولي موقف واضح دی چې د تفاهم او مذاکراتو له لارې د مشکلاتو په حل باور لري خو د تیري په صورت کې له خپلې خاورې او اولس څخه دفاع خپل مشروع حق بولي.
د مالیزیا لومړي وزیر هم د سیمې په وضعیت اندېښنه څرګنده کړه او ویې ویل
چې د افغانستان او پاکستان تر مینځ وروستي وضعیت خواشیني کړی دی او هیله یې وښوده چې روان کړکیچ د مذاکراتو او تفاهم له لارې حل شي.
نوموړي زیاته کړه چې مالیزیا هڅې کوي چې له دواړو لوریو سره په تفاهم په دې برخه کې خپل عملي رول ولوبوي.
