ويب ډیسک
طالبان وايي چې ځواکونو يې مولوي مهدي د هرات او ايران پولې ته څېرمه، په داسې حال کې ووژه چې غوښتل يې ایران ته وتښتي.
ځيني راپورونه وايي، چې مولوي مهدي لومړی نيول شوی او بيا وژل شوی، خو تر دې دمه د مولوي مهدي کسانو يا هم کومې بلې خپلواکې سرچينې دا خبر تائيد کړی نه دی.
مولوي مهدي د هزاره طالبانو لوړپوړی قومندان و، چې طالبانو سره له اختلافاتو وروسته د سرپل ولايت بلخاب ولسوالۍ ته تللی و او خپلو سلګونو پلويانو سره يې د طالبانو پر وړاندې وسله واله جګړه پيل کړې وه.
