ويب ډیسک
د طالبانو حکومت تاییدوي چې د شیرخان بندردروازه یې بنده کړې. دا پرېکړه د هغو راپورونو له خپرېدو وروسته کېږي چې له مخې یې د طالبانو سیمه ایزو چارواکو یوشمېر تاجک موټر چلونکو ته اجازه نه وه ورکړې چې بیرته تاجکستان ته ستانه شي.
د طالبانو د حکومت ویاند ذبیح الله مجاهد آزادۍ راډیو وویل، دوی دې کار ته وروسته له هغه اړشول چې د تاجکستان چارواکو د افغانانو پرمخ د خپلې پولې د خلاصولو لپاره د دوی پرله پسې غوښتنو ته مثبت ځواب ونه وایه.
ښاغلي مجاهد وویل، ترڅو چې د دواړو هیوادونو ترمنځ د بهرنیو چارو د وزارتونو په کچه یو تفاهم نه وي شوی د شیرخان بندر دروازه به بنده وي.
