ويب ډیسک
د اوکراين ولسمشر وولوديمير زېلېنسکي ګواښ کړی چې که روسي ځواکونه په ماريوپول ښار کې پاتې اوکرايني سرتيري ختم کړي نو د سولې خبرې به ودروي.
د روسیې دفاع وزارت د اپرېل پر ۱۶مه ادعا کړې چې تر يوې اونۍ سختې جګړې وروسته یې ماريوپول ښار نيولی او پاتې ځيني اوکرايني جنګيالي يې محاصره کړي دي.
د روسانو د ادعا ترمخه اوکراين په دې ښار کې ۴،۰۰۰ سرتېري بايللي دي.
د اوکراين ولسمشر وولوديمیر زېلېنسکي د اپرېل پر ۱۶مه خبرداری ورکړی چې که په دغه ښار کې یې د پوځيان ختمول دوام وکړي نو له روسیې سره به هر قسمه مذاکرات ختم کړي.
روسیې د فبرورۍ په ۲۴مه د اوکراين اشغال پيل کړی او د نړيوالو پر سختو بندیزونو سربېره یې هم دوام ورکړی دی.
