ویب ډیسک
په افغانستان کې ځايي رسنۍ وايي چې د طالبانو او ترکمن پوځيانو تر منځ د جوزجان ولايت په خماب ولسوالۍ کې نښته رامنځ ته شوې ده.
ځايي رسنۍ جوزجان ولايت کې د طالبانو د اطلاعاتو او کلتور رياست د سرپرست هلال بلخي له خولې وايي، چې درې ورځې وړاندې د ترکمنستان پوله ساتو يو ولسي وګړی وژلی او بل ټپي کړی وی، دوی (دوشنبې درېيم جنوري) د پېښې امنيتي وضعيت څېړلو په موخه خماب ولسوالۍ کې پولې ته ورغلل چې د ترکمن سرحدي ځواکونو له بريد سره مخ شول.
د افغانستان جوزجان ولايت د ترکمنستان سره پر ګډه پوله پروت دی.
ښاغلي بلخي ويلي چې، دوی په ځواب کې هوايي ډزې وکړې خو د مرګژوبلې په اړه يې څه نه دي ويلي.
خو د طالبانو مرکزي وياندويانو لا تراوسه په دې اړه څه نه دي ويلي.
