ويب ډیسک
رويټرز د ملګرو ملتونو د يو سند له مخې خپاره کړي، چې د افغانستان حکومت ته وړاندیز کړی چې د دغه سازمان د اړوندو دفترونو او کارکوونکو ساتنې په موخه د کورنیو چارو وزارت پروسنل ته د تنخواوو او خوراکي توکو لپاره نږدې شپږ میلیونه ډالر ورکوي.
دغه سرچینې لیکلي، د یاد سازمان سند پر بنسټ، له وړاندیز شوو پیسو به د کورنیو چارو وزارت هغو ځواکونو ته تنخواوې او خوراکي مواد ورکول کېږي چې د ملګرو ملتونو له ودانیو او کارکوونکو ساتنه کوي.
