پښتو جرنل
د طالبانو د قطر سیاسی دوتر ویاند ډاکټر نعیم وردګ په ټوئټر خپور کړئ خپل بیان کې لیکلی چې پرون ماښام د طالبانو د قطر دوتر سياسي مرستيال او سياسي دفتر رئيس ملا برادر اخند ـ د مذاکراتي ټيم مشر شيخ عبد الحکيم حقاني او ور سره هيئت ـ د امريکا د متحده ايالاتو ځانګړي استازي ډاکتر زلمي خليل زاد ، جنرال ميلر او ور سره هيئت تر منځ ناسته وشوه.
په ناسته کې دواړو لوريو د دوحې توافقنامې ته خپله ژمنتيا وښوده. او د پوره عملي کيدو په اړه يې خبرې وشوې.
همدا ډول د افغانستان په روان وضعيت او د بين الافغاني مذاكراتو د روان بهير د چټکتيا او اغېزمنتيا په اړه بحثونه تر سره شول.
