د افغانستان واکمن حکومت د بهرنیو چارو وزارت په کابل کې د پاکستان د سفارت شارژدافیر احضار کړ او د ډیورنډ کرښې په اوږدو کې په ملکي اهدافو او عامه زیربناوو باندې د وروستیو بریدونو په اړه یې رسمي احتجاجي لیک وړاندې کړ، په ځانګړي ډول په کونړ ولایت کې.
د افغانستان بهرنیو چارو وزارت د یوې اعلامیې په حواله، د افغانستان واکمن حکومت د داسې بریدونو د دوام په اړه ژوره اندیښنه څرګنده کړه، او ټینګار یې کړئ چې د ملکي وګړو او عامه زیربناوو په نښه کول د نړیوالو اصولو او ګاونډیتوب اړیکو څخه ښکاره سرغړونه ده.
افغانستان په احتجاجي لیک کې د دې ډول کړنو د سمدستي پای ته رسولو غوښتنه هم وکړه او له بلې خوا یې وغوښتل چې د ډیپلوماټیکو او قانوني اصولو سره سم د داسې پیښو له تکرار څخه ډډه وکړي. دا په افغانستان کې د پاکستان د دوامداره یرغلونو په تعقیب دی.
په وروستیو بریدونو کې، چې پرون او تیره شپه ترسره شول، د ختیځ افغانستان د کنړ ولایت ځینې برخې، په اسد آباد ښار کې د سید جمال الدین افغان پوهنتون په ګډون، په نښه شوې.
د ورکړل شویو شمېرو له مخې، لس کسان ووژل شول او نږدې سل نور ټپیان شول.
سربیره پردې، ښځې، ماشومان، زده کونکي او ښوونکي په دې وروستیو بریدونو کې د قربانیانو او ټپیانو په ډله کې دي.
