ويب ډيسک
د امریکایي مرکزي قوماندې سینټکام په وینا، د ۲۰۲۶ کال د اپرېل په ۱۳مه نېټه د سهار په ۱۰ بجو (د پاکستان په وخت ماښام ۷ بجې) له ایراني بندرګاهونو (د فارس خلیج او د عمان خلیج) څخه د راتلونکو او وتونکو ټولو کښتیو پر وړاندې کلابندي نافذه شوې ده. دا اقدام د ولسمشر ډونلډ ټرمپ په امر ترسره شوی، چې په اسلاماباد کې له ایران سره د سولې د خبرو اترو له ناکامېدو سمدستي وروسته اعلان شو.
دا کلابندي یوازې پر ایراني تګ راتګ محدوده ده. هغه کښتۍ چې له غیر ایراني بندرګاهونو څخه راځي یا ځي، کولای شي د هرمز له تنګي څخه په بشپړه توګه تېرې شي، خو د امریکا سمندري ځواکونه د ایراني کښتیو د درولو لپاره چمتو دي. همدارنګه، امریکایي ځواکونه په سیمه کې د ماینونو د پاکولو بهیر هم روان ساتي.
دا اقدام د نړۍ د تیلو پر عرضه مستقیم اغېز کړی، چې له امله یې د تیلو بیې له ۱۰۰ ډالرو فی بیرل څخه لوړې شوې دي. ایران سخت غبرګون ښودلی، او یو شمېر متحد هېوادونه (په ګډون د بریتانیا) د دې کلابندۍ له ملاتړ څخه ډډه کړې ده.
