ویب ډیسک
خواجه اصف ټینګار وکړ چې په افغانستان کې دوه سترې جګړې د «جهـ.ـاد» په نوم یادي شوې، خو په اصل کې دا جګړې د حکومتونو او ډیکټاټورانو لخوا د خپلو ګټو د خوندیتوب لپاره مدیریت او تمویل کېدې.
د هغه په وینا، دغو جګړو له اسلام او دیني ارزښتونو سره رښتینې اړیکه نه درلوده، بلکې د سیمه ییزو او نړیوالو سیاستونو یوه برخه وه.
د پاکستان دفاع وزیر اشاره وکړه چې په هغه وخت کې تعلیمي نصاب هم د «جـ.ـ.ـهاد» د مفاهیمو د ترویج لپاره بدل شوی و. هغه زیاته کړه: «هغه څه چې جهاد نومول کېدل، په اصل کې د بهرنیو قدرتونو په ملاتړ یوه لویه سیاسي پروژه وه.»
خواجه اصف په خواشینۍ سره وویل چې د دغو سیاستونو له ویجاړونکو پایلو سره سره، لا هم د سیمې هېوادونو له تېرو تجربو څخه لازم درس نه دی اخیستی.
دا څرګندونې په داسې حال کې کېږي چې د افغانستان په تېرو څو لسیزو جګړو کې د پاکستان او نورو نړیوالو قدرتونو رول تل د تودو بحثونو موضوع پاتې شوې ده.
