ويب ډیسک
د ملګرو ملتونو د مخدره توکو او جرمونو اداره UNODC وايي، افغانستان کې تقریباً درې نیم میلیونه کسان په نشهيي توکو روږدي دي چې د ټول نفوس نږدې ۱۰ سلنه جوړوي.
یاد سازمان همداراز وایي، چې افغانستان کې د نشهیي توکو د روږدو د درملنې مرکزونه له ستونزو سره مخ دي، په ۲۰۲۱ کال کې د ت.البانو له واکمنۍ وروسته یې نړیواله بودیجه پایته رسېدلې او په ټيټ معاش لږ روزل شوي کسان د روږدو درملنې ته پاتې دي.
د ملګرو ملتونو په وینا، افغانستان په نړۍ کې د هیروینو او مت افتامینو د تولید لوی هېواد ګرځېدلی چې زیاتره یې بهر ته قاچاق کېږي.
دا په داسې حال کې ده چې د ت.البانو حکومت وايي، د مخدره موادو د کر او قاچاق په مقابل کې یې جدي اقدامات کړي او له کابل او ځینو نورو ښارونو د روږدو راټولول خپله لویه لاس ته راوړنه بولي.
بل خوا تېره اونۍ واشنګټن پوسټ په یوه راپور کې ویلي ؤ چې د ځینو ت.الب مشرانو کورنۍ د شتمنۍ موندلو لپاره د نشهيي توکو د قاچاق په غیرقانوني اقتصاد تکیه دي.
#Afghanistan
