ویب ډیسک
امریکا له افغانستان څخه د خپلو ځواکونو د خوندي اېستلو لپاره سیمې ته ( B-52 ) ډوله بم غورځوونکې الوتکې راستوي.
د امریکا دفاع وزارت ویلي، په پام کې ده چې په همدې هدف شپږ ( B-52 ) جنګي الوتکې او د ځمکنیو ځانګړو ځواکونو یو کنډک سیمې ته ولیږل شي، چې هدف یې له افغانستان څخه په خوندي ډول د امریکایي سرتیرو اېستل دي.
امریکایي چارواکو ویلي، متحده ایالات د هغو غیر ضروري وسایلو پر لېږد تمرکز کوي، چې د تخریب وړ نه وي او یا هم افغان ځواکونو ته نه سپارل کېږي.
