ویب ډیسک
طالبانو د شنبې په ورځ د دسمبر په ۲۴مه ټولو کورنیو او بهرنیو موسسو یا نا دولتي انجوګانو ته امر کړی چې خپلې ښځینه کارکوونکې دندو ته له راتلو منع کړي.
د طالبانو د اقتصاد وزارت ویاند د فرانسې خبري آژانس ته دغه نوی فرمان تائید کړی.
عبدالرحمن حبیب ویلي« د دغو ښځینه کارکوونکو اسلامي حجاب نه مراعت کاوه او تر امر ثاني پورې به د دغو ښځینه کارکوونکو کار ځنډیدلی وي.»
تر دې دمه معلومه نه ده چې دغه پریکړه به د ملګرو ملتونو سازمان عملي کړي کنه ځکه دغه سازمان په افغانستان کې تر ټولو ډیر ښځینه کارکوونکې لري.
د طالبانو دغه پریکړه وروسته له هغې کیږي چې څو ورځې مخکې یې په افغانستان کې د نجونو پر مخ پوهنتونه وتړل چې ډیر غبرګونونه یې راوپارول.
