ويب ډیسک
د طالبانو د بهرنيو چارو د وزير امیر خان متقي په مشري یو لوړ پوړی طالب پلاوی د اروپایي ټولنې، امریکایې استازو او نورو جهتونو سره پر سیاسي موضوعاتو، کنګل شویو پیسو، بشري مرستو، تعلیم، صحت، کابل کي د سفارتونو امنیت، د هغو پر خلاصون او نورو اړوند موضوعاتو د خبرو اترو لپاره دوحې ته ځي٠
د طالبانو د بهرنيو چارو وزارت وياند عبدالقهار بلخي نن چهارشنبه ويلي چې په ياد پلاوي کي د پوهنې، روغتيا،ماليې وزارتونو، امنيت او د افغانستان بانک استازي هم شامل وي٠
نوموړي زياته کړې:”د بهرنیو چارو د سرپرست وزیر محترم مولوي امیر خان متقي په مشري به یو لوړ پوړی پلاوی د رواني میاشتي له ۲۷ تر ۲۹ تاریخه دوحه کې د اروپایي ټولنې، امریکایې استازو او نورو جهتونو سره پر سیاسي موضوعاتو، کنګل شویو پیسو، بشري مرستو، تعلیم، صحت، کابل کي د سفارتونو امنیت، د هغو پر خلاصون او نورو اړوند موضوعاتو خبرې وکړي”
د افغانستان لپاره د امريکا ځانګړي استازي هم له طالبانو سره د خبرو پيلېدو خبر ورکړى دى٠
