ويب ډیسک
روسي رسنیو خبر ورکړی چې د روسي واګنر مېلشو مشر یوګني پروګیوژین نوم د هغو کسانو په لیست کې شامل دی چې په یوه نسکوره شوې الوتکه کې سپاره ؤ.
د معلوماتو له مخې یاده الوتکه چې د مسکو او پیترسبورګ ترمنځ په توېر سیمه کې را پرېوتې، په کې ټولټال ۱۰ تنه سواره وو چې ۷ سورلۍ او ۳ د الوتکې خدمه بلل شوي دي.
واګنر ډلې ته منسوب ټیلیګرام چېنل کې ویل شوي چې یاده الوتکه د روسي دفاعي ځواک له لوري نسکوره شوې ده.
د یادونې وړ ده چې پروګیوژین د جون په میاشت کې د روسیه د دفاعي ځواکونو پر وړاندې وسلهوال حرکت پيل کړی و چې بېرته یې خپل پوځونه ستانه کړل.
له بلې خوا پرون نړیوالو رسنیو د پروګیوژین یوه ویډیو خپره کړې وه چې نوموړي په کې ویلي ؤ، تمرکز یې پر افریقايي هېوادونو دی.
#Russia
