ویب ډیسک
جمهوررئیس محمداشرف غني پرون ماسپښین د برتانیې لومړي وزیر بوریس جانسون سره ټلیفونې خبرې وکړې.
په دغه ټلیفوني مکالمه کې د برتانیې لومړي وزیر د افغانستان اسلامي جمهوري دولت په ځانګړي ډول امنیتي او دفاعي ځواکونو، سولې پروسې څخه د خپل هیواد د دوامدار ملاتړ او د بشري حقونو او انکشافي برنامو په برخه کې د خپلو مرستو ډاډ ورکړ.
په پای کې جمهوررئیس غني د افغانستان کې په سوله او ثبات کې د برتانیې رول کلیدي وباله وې ویل، د دواړو هیوادونو ګډ اررښتونه له موږ سره د سولې پروسې په بریالیتوب کې مرسته کوي او په افغانستان کې سوله او ثبات به په سیمه او نړۍ کې د سولې او ثبات په معنی وي.
