ويب ډیسک
وروسته له هغې چې ایران پاکستان سره په پوله سيستان بلوچستان کې د جيش العدل په نوم د ایران خلاف ترهګرې ډلې پر غړو د توغنديو په وسیله بريدونه وکړل، پاکستان هم نن سهار پر ايران بريدونه کړي دي.
د پاکستان د بهرنيو چارو وزارت وايي، چې دغه بريدونه يې د ایران په سيستان بلوچستان اړوند سراوان سيمه کې کړي، چې په پايله کې يې يو شمېر ترهګر وژلي دي.
خو په ورته وخت کې د ایران د کورنيو چارو وزير احمد وحيدي وايي، چې د سراوان سيمې په چاودنو کې ۳ بهرنۍ ښځې، دوه سړيان او ۴ ماشومان وژل شوي دي.
له بل پلوه چين د پاکستان او ایران تر منځ د اړيکو د خرابېدو د مخنيوي لپاره د منځګړيتوب وړاندې کړی دی.
د چين د بهرنيو چارو وزارت ويلي، هيله لري چې پاکستان او ایران وشي کولای د روانې ترينګلتيا مخنيوی وکړي.
