ویب ډیسک
ایراني ځواکونو خبرداری ورکړی چې په سیمه کې د امریکا د تر ټولو پرمختللې الوتکې وړونکې بېړۍ اړوندې ټولې ملاتړې اسانتیاوې او اډې د دوی د نظامي بریدونو احتمالي اهداف ګرځېدلی شي.
د ایران تسنیم خبري اژانس په حواله، ایراني چارواکو ویلي چې په سیمه کې د امریکایي نظامي حضور هر ډول پراختیا او د هغوی لوژستیکي مرکزونه به تر څار لاندې وي.
د دوی په وینا، د امریکا دا لویه الوتکې وړونکې بېړۍ چې په منځني ختیځ کې د واشنګټن د نظامي قدرت نښه بلل کېږي، اوس د ایران د بالستیک توغندیو او ډرون الوتکو په نښه کې ده.
دا ګواښ په داسې حال کې کېږي چې په عراق کې پر امریکایي سفارت له برید وروسته د دواړو هېوادونو ترمنځ د مخامخ جګړې وېره اوج ته رسېدلې ده.
# | #IranVsUSA | #USSGeraldRFord |# #MilitaryTension | #MiddleEastCrisis
