ویب ډیسک
کینیا کې یوې محکمې پرېکړه کړې، چې د افغانستان پارلمان پخوانی استازی ظاهر قدیر امریکا ته وسپاري.
د بي بي سي د راپور پر بنسټ، د ښاغلي قدیر مدافع وکیل د کینیا محکمې ته اپیل کړی، څو تر راتلونکو ۱۴ ورځو د هغه د استرداد امر وځنډوي.
د پارلمان دغه پخوانی استازی څه موده وړاندې په کینیا کې نیول شوی او بیا دغلته یوې محکمې ته هم حاضر شوی و.
د ظاهر قدیر مدافع وکیل له دې وړاندې پر هغه لګېدلي تورونه سیاسي بللي دي.
څو ورځې وړاندې د طالبانو بهرنیو چارو وزیر امیرخان متقي د ظاهر قدیر د کورنۍ غړو سره کتنه کې ډاډ ورکړی و، چې دوحه کې به د طالبانو سفارت د ښاغلي قدیر موضوع تعقیب کړي.
د پارلمان پر پخواني غړي ظاهر قدیر د امریکا له لوري د نشه يي موادو د قاچاق او او ناقانونه وسلو د ساتلو تورونه لګول شوي دي.
# #Afghanistan #ZahirQadir
