ویب ډیسک
د شمېرنې ۲۰۲۴ د تازه شمېرنو له مخې، په پاکستان کې د خرو شمېر بشپړ شوی دی، او د حیرانتیا خبره دا ده چې پنجاب د ټولو صوبو نه مخکې شوی او په لومړي نمبر کې راغلی دی.
د راپور له مخې، په پنجاب کې د خرو شمېر ۲۴ لکه او ۳ زره دی، چې د نورو ټولو صوبو په پرتله ډېر دی.
سند د ۱۰ لکه او ۸۱ زره سره په دویم، خیبر پښتونخوا د ۷ لکه او ۸۲ زره سره په درېیم، او بلوچستان د ۶ لکه او ۳۰ زره خرو سره په وروستي نمبر کې دی. په وفاقي پلازمېنه اسلاماباد کې د خرو شمېر ۴ زره ښودل شوی دی.
د شمېرنې له مخې، یوازې پنجاب کې د بلوچستان په پرتله ۱۷ لکه او ۷۳ زره، د خیبر پښتونخوا نه ۱۶ لکه او ۲۱ زره، او د سند نه ۱۳ لکه او ۲۲ زره ډېر خره شته.
راپور هم دا څرګندوي چې په ټول هېواد کې د خرو مجموعي شمېر ۴۹ لکه ته رسېدلی، چې د تېرو کلونو په پرتله زیاتوالی ښيي.
دا زیاتوالی د کلیوالي اقتصاد او د بار وړونکو حیواناتو په زیاتېدونکي تکیه کولو څرګندونه کوي.
