ویب ډیسک
د راپورونو له مخې، د چاودنې له امله د اورګاډي ۶ ډبې یا بوګۍ له وسپنې پټلۍ لوېدلې دي.
تراوسه د دغې چاودنې نوعیت نه دی معلوم او نه هم د مرګ ژوبلې په تړاو جزییات خپاره شوي دي.
د پاکستان رېل پټلۍ ادارې ویلي، چې دا اورګاډی له کویټې راولپېنډۍ ته روان و.
پر جعفر ایکسپریس اورګاډي د دغې چاودنې مسوولیت کومې ډلې نه دی منلی.
تېره مارچ میاشت کې هم بلوڅ وسله والو پر جعفر ایکسپریس اورګاډي د مرګوني برید مسوولیت ومانه، چې د شاوخوا ۵۰۰ مسافرو له ډلې لسګونه ووژل.
د پاکستان پوځ ادعا کړې وه چې هغه برید هند طرحه کړی و او د افغانستان له خاورې رهبري کېده، خو طالبانو دا ادعا رد کړې وه.
# #PAKISTAN #BALOCHISTAN
