ویب ډیسک
د پاکستان پوځ مطبوعاتو څانګې چارواکو په یوه خبري غونډه کې وویل، چې پر پاکستان د هند برید کې ۲۶ پاکستانیان وژل شوي او ۴۶ نور ټپیان دي.
د پاکستان پوځ ادعا کړې، چې هند د تېرې شپې بریدونو کې جوماتونه، ملکي وګړي او د اوبو بندونه په نښه کړي دي.
بل خوا بیا د هند پوځ د نن سهار په خبري غونډه کې ویلي، چې پر پاکستان یې د تېرې شپې برید کې یوازې د ترهګرو مرکزونه په نښه کړي چې ادعا کوي له ۸۰ ډېر ترهګر یې وژلي دي.
له دې سره په ملګرو ملتونو کې د پاکستان استازي ویلي، چې یاد سازمان ته یې د هند د برید په تړاو معلومات ورکړي او له ځانه دفاع خپل حق ګڼي.
پر پاکستان برید د هند تر ولکې لاندې کشمیر کې د اپرېل میاشتې د وسله وال برید غبرګون کې وشو، چې ۲۶ هندي سیلانیان پکې ووژل شول، چې هند یې پاکستان مسوول وګاڼه.
# #Pakistan #India #Attack
