ويب ډیسک
د رسنيو د راپورونو له مخې، د سیاسي چارو شنونکی او د پوهنتون استاد، سید باقر محسني خپلوان وایي، چې هغه د تېره ورځ د ا.ا له خوا نیول شوی دی.
د باقر محسني د کورنۍ یو غړی چې د موضوع د حساسیت له امله نه غواړي نوم یې په دې راپور کې واخېستل شي. وایي، چې د تېرې جمعې په ورځ محسني ته زنګ راغی او ورته وویل شول چې د ‘سي اېن.اېن’، نړیوالې رسنۍ، سټوډیو ته د مرکې لپاره مېلمه يې.
د رسنيو د معلوماتو له له قوله باقر محسني دوه تره زامنو سره یوځای د مازدېګر ۵ بجې د کابل ښار د قلعه فتح الله له شپږم سړک، د بي بي مهرو سیمې خوا ته حرکت وکړ.
خو له ځنډ وروسته د سید باقر محسني او د دوه تره زامنو یې سید حمید او سید اسماعیل، په تړاو هېڅ مالومات نشته.
حکومتي چارواکو تر اوسه په دې اړه رسنيو ته څه نه دي ويلي.
