ويب ډيسک
د ملګرو ملتونو د بشري چارو د همغږۍ دفتر (اوچا) وایي په تیرو درې کلونو کې د افغانستان له پاره ۶،۷ میلیارډه ډالره مرسته راټوله شوې او په بشري مرستو لګول شوې ده.
اوچا په تاره خپور کړي رېپورټ کې ویلي چې یادې مرستې د ۲۰۲۱ کال له اګست میاشتې راهیسې چې طالبان واک ته رسېدلي راټولې شوي دي او که دوام پيدا نکړي نو د خوراکي توکو امنیت به وګواښي او غربت به زیات شي.
په دغ راپور کې راغلي، چې د دغو مرستو ډیره برخه په ۲۰۲۲ کال کې شوې ده ۳،۳ میلیاډه ډالره ده.
دغه سازمان د بې وزلۍ او بشري ناورین د کمولو په برخه کې د نړۍوالو مرستو د مثبتو اغېزو په اړه ویلي، چې «افغانستان لا هم د طبیعي پیښو، د اقلیم د بدلون او جیو پولیټیکي بدلونو له امله ډیر زیانمن دی.»
اوچا د طالبانو امربالمعروف قانون ته په اشارې سره، د افغانو ښځو او نجونو پر مخ په زیاتیدونکو بندیزونو په اړه اندیښنه څرګنده کړې او دا یې په هیواد کې د بشري حقونو د ناورین او امنیتي خطرونو نښه وبللې ده.
