ويب ډيسک
د پاکستان د خیبر پښتونخوا ایالت اعلی وزیر علي امین ګنډاپور ویلي، چې له افغانانو سره د اسلام اباد دښمني پاکستاني پښتنو ته هم رسېدلې او دغه کسان یې په خپل سر نیولي او ځورولي دي.
هغه د پاکستان لومړي وزیر شهباز شریف ته په یوه لیک کې خبرداری ورکړی چې دا کړنې د پښتنو په ټولنه کې د بې باورۍ او پارونې فضا رامنځته کوي.
نوموړي په ډاګه کړې، که یاده فضا رامنځته شي، نو د ټولنیز او امنیتي بحرانونو لامل کېدای شي.
