ويب ډیسک
د ملي امنیت پخوانی رئیس رحمتالله نبیل وایي، ملګري ملتونه باید داسې لارې چارې ولټوي چې عدالت تأمین کړي او د افغانانو بېړنیو اړتیاو ته رسېدنه هم وکړي.
ښاغلي نبیل دوحه کې د افغانستان په اړه د ملګرو ملتونو ناستې ته په اشارې زیاتوي چې د خلیلزاد او امریکا له لوري د دوحې د پخوانۍ «معاملې» په ترڅ کې افغانستان ت.البانو ته وسپارل شو او پایله کې یې ملګرو ملتونو او نړیوالې ټولنې ته اوسنۍ ننګونه رامنځته شوه.
نبیل د اوسني وضعیت پېچلتیا روښانولو لپاره د چرچل په یوه وینا د استناد په لړ کې وایي: «کله چې دې سر د زمري په خوله کې وي، استدلال ورسره نه شې کولای.»
نوموړی ټینګار کوي چې ملګري ملتونه باید د لوږې ختمولو او بشري مرستو رسولو او په عین حال کې، افغانستان کې د یوې عادلانه ټولنې د رامنځته کولو لپاره هلې ځلې وکړي.
د افغانستان په اړه د ملګرو ملتونو په کوربهتوب د ۲۱ هېوادونو د ځانګړو استازو غونډه نن دوحه کې پيل شوې او سبا ورځ به هم دوام کوي.
ویل کېږي دې غونډه کې به ت.البانو سره د نړۍ د تعامل په څرنګوالي او د نویو او انعطاف پذیره لارو چارو په موندلو بحث وشي.
ت.البانو ته په یاده ناسته کې د ګډون رسمي بلنه نه ده ورکول شوې.
#Afghanistan #DohaMeeting #Doha #دوحه
